萬發海鮮火鍋菜館

營業中

休息中

今晚同母親大人食飯，母親大人話天氣凍想食嘢暖身滋補一下，帶我到萬發食胡椒豬肚雞煲。😍一開始上咗個小菜，係魚皮炸花生D frd,覺得有些好笑，好似食緊零食咁😂個煲好快就上咗來，店員推住張細臺過來，上面擺住個火水爐同雞煲，然後當著我哋面幫我哋剪開D豬肚同雞😬好正啊！成塊豬肚包住成隻雞，睇住店員將佢剪到一塊塊，聞到D香味都已經留曬口水😗店員幫我哋剪完之後就盛到小碗裡，好香好好味呀，個湯好濃郁，辣辣地，胡椒加足料，入門有雞，豬肚，紅棗和蔘，我最鍾意食個豬肚，好薄身，冇麼脂肪，超級正啊，辣度都可以接受，食完個身好暖呀。