二撇雞

營業中

休息中

觀塘友知我平時少湯水，推介我黎#二撇雞，佢話呢間開咗一個月左右，廚司是酒店級人馬，佢話中午黎都要排隊買飯，皆因佢真係平靚正。好飲返碗花膠雞湯補下, 於是即刻約咗佢黎食番餐。呢間小店主打雞, 有花膠雞湯, 可配搭米線、米粉同上海麵, 好味又養生。 另外仲有、秘製口水雞, 海南雞, 胡椒豬肚…尚有雞絲粉皮, 好撚脆…惹味小食等唔同選擇。 老友之前試過雞， 故今次佢點了番茄肥牛配米線，番茄蓉的濃底很香濃。我點了花膠湯走麵，因又想飲湯，又想食佢嘅麻辣擔擔麵😛。花膠湯果然好正，雖然薄薄的，但都有4片，花膠有豐富膠原蛋白，可以補充蛋白質，亦有助滋陰潤燥，佢嘅價錢非常之公道。麻辣擔擔麵- 先辣後麻，辣度適中唔會嗆喉，麵質比較淋身。 小食-海南雞，雞香味濃郁，雞肉的確做到肉質嫩滑，鐘意食雞的朋友一定要黎食下啊。