妙語牽 (已結業)

養生都可以好味，雞湯滋補變更美👀作為都市人，一日三餐都係外面解決，又酸辣米線又炸雞又咖哩，有時去廁所都有問題😅，所以今次就決定食得健康養生少少🤪。呢間餐廳，重點推介一定係湯品，好少餐廳真係咁足料去煲湯（仲要咁既價錢），一定要飲湯🙌！飲湯🙌！飲湯🙌！椰子雪耳響螺烏雞湯🐔蒸雞黎講，用到足絲雞，營養價值值就更高更補✌️！烏雞嘅豐富營養，加埋一大塊塊嘅螺肉👀，足料去煲，好難得係香港餐廳飲到「真‧湯」，而唔似茶餐廳嘅「味精例湯」，飲到雞湯味道又唔會死咸，加埋其他補身食材，真係岩哂「缺湯水」嘅打工仔👦。淮山蓮藕配宮廷養生鴨🦆見到個樣覺得好家常菜，老闆有為我地介紹，原來鴨肉🦆係肉類中相對較多維他命，蛋白質，有修補皮膚肌肉等功效👱‍♀️，所以宮廷亦選用鴨作為皇帝食材之一。呢道菜式就加埋淮山、蓮藕等等配搭，達到去水、健脾胃嘅功效👅。味道方面，食落去就知無味道，加上蒸煮方式，唔會過份油膩，保留到鴨肉本身嘅味道，肉質結實，配合埋其他食材，清淡中還原返食材味道，有少少諗起媽咪既家常菜🧓。蟲草花雞髀菇蒸烏雞🍗蟲草花營養價值高，味道香，可以提高免役力🧐；而食雞最驚就係熟過頭，變到雞胸肉咁「鞋」，但呢道蒸雞反而肉質滑溜