BnR (已結業)

荃灣廣場對面新開咗間主打養生湯底嘅米線舖，亦都有淮山麵可以揀，冬天過嚟食仲可以暖下身😆舖頭入面新淨闊落，坐得幾舒服～麻辣手撕雞闊麵🍝$56一睇Menu已經覺得呢個好吸引🤩，平時不嬲都鍾意食麻辣手撕雞，呢個係手撕雞撈刀削麵，手撕雞食落香辣惹味，面質偏稔，都幾入味，夠晒邪惡😋海南雞米線🍜$62淮山麵都可以轉做米線，雞湯飲落清甜，雞肉嫩滑，米線都煮得啱啱好，仲有條油炸鬼可以吸湯，食完都覺得好養生，係健康之選🤩炸墨魚卷 $42經典嘅墨魚卷，炸得香脆，配上甜辣醬唔錯🤤