吞POT 雞煲火鍋.住家菜 (譽發廣場) (已結業)

三十幾度但無阻我打邊爐的意念，朋友推介就try try. 位置好方便，油麻地A2出口行4分鐘就到，座大廈都有幾多食市，呑pop就係22/F，坐中間枱，睇唔到外面的景觀。雞煲不多選擇，得幾款。辣的就有幾個level，朋友無個嘗辣 。返工咁辛苦，最後選了養生點的中藥雞煲…“花雕藥膳雞煲”大雞。中藥味都幾重，見到有唔同藥材係湯入面，没有酒味，味道小小甘。加湯後就淡左，打一陣已無左半煲湯無可能唔加。叫左要等10mins左右上枱，雞已熟可以即食。另外叫了响鈴，紅薯粉，菜，手打丸等。响鈴新鮮炸起,超級肥但好味道手打丸8粒有四款, 都好新鮮。無水提供，一定要叫野飲，我叫了支裝椰水$20,綠茶$16。坐位好密，幾迫。Happy hour 好多人飲啤酒，都幾嘈 。食左tea所以晚上食得唔算多野，每人大約$160，優點無限時。