遇見小麵 (黃埔天地奇妙坊(第1期))

營業中

休息中

內地人氣品牌殺到紅磡！主打多款地道重慶小麵，採用當地常見嘅食材，製作出最正宗嘅美食。主食可因應客人口味選擇，有辣有唔辣，老少咸宜，價錢親民，地點方便，值得到訪。主食要咗蔥油拌麵，份量十足，麵條軟硬度適中，調味啱啱好，另可加配料，有青菜、滷蛋、擂椒、軟骨丸子、鴨血等款色，落埋出面自助區嘅黃金脆脆豆令到整體口感昇華！蔥酥骨湯抄手同樣出色，一口一粒，皮薄餡靚，唔食得辣嘅可以叫。小食款色眾多，脆皮半隻雞外脆內嫩、雞排炸至酥脆可口、餃子又大又脆身、蔥油餅食落唔油膩。鍋巴土豆都唔錯，外層夠薄，內裏軟糯可口，真材實料。最後試埋呢度嘅飲品同甜點，有白玉厚椰乳同白玉酸梅湯，前者可解辣，後者可解膩，兩款都有冰粉，口感十足，性價比高。