太二老壇子酸菜魚

營業中

休息中

太二酸菜魚出咗名嘅好味，唔洗排長龍就有得食，一定要黎香港店鋪試試。香港太二都好full下，唔想排隊，可以試試經香港門店網站定位啦。香港裝修同內地差唔多，不過茶水間就差好遠，只得洛神花同陳皮，不過勝在免費。食飯前可以抽隻簽，一定要抽中大吉！脆椒小皮蛋，小皮蛋全部溏心，一口一個，燒椒同皮蛋好夾，好食。藤椒撈汁海鮮雞，好經典搭配，有小蟶子，蝦同手撕雞等，醬汁酸辣為主帶少少藤椒味，食落好惹味。自肥老媽蹄花，係香港比較少見嘅前菜。蹄花就係香港豬手，煲制得好軟嫩，搭配埋醬汁一齊食，滿滿骨膠原。老罎子酸菜魚1-2人份，分量真啲好大，魚片片得好薄身，食落冇骨入口即化。 太二嘅酸菜好出名，食落酸鹹合適同埋勁脆口，比一般酸菜魚裡面啲酸菜口感要好。同埋酸菜魚要好味，湯底一定唔可以差。太二湯底飲得出係用足料煲制，酸辣鮮甜，飲完唔會口渴。西瓜椰椰冰粉，落咗椰子片，小丸子同西瓜粒，冰粉都有兩種，傳統冰粉同椰子味冰粉，整體食落好清爽。太二香港同之前深圳食嘅味道一樣，最難得係唔貴，比起香港周街3XX酸菜魚，真係抵食。