影片
更多
2024-09-29
1048 瀏覽
唔會推介去呢間泰國菜，除非你接受到人均消費200蚊食快餐。今晚一行四人，叫咗6樣嘢，後加咗1個，總共7個再加4杯飲品。頭6個菜，唔使五分鐘全部已經上齊。出餐真係好快，可以講同澳牛有得Fight。不過食到咁上下嘅時候 (約由落單計25-30分鐘左右)，因為有12位大客到，餐廳先安排咗六個人坐喺我哋張枱隔離，然後就畀張單我，跟手收哂我地啲碟，仲好主動地話幫我哋去追未到過一個菜 (其實我地冇叫埋單，亦都冇叫追單)跟住超過份嘅嘢就開始發生，個侍應走埋嚟同我哋講，碟金邊粉廚房已經開始整緊，叫我哋去另外一邊食，呢張枱有12個客人要坐。真係火都嚟埋，我話你冇嘢呀嘛，菜都未上齊你叫我轉去另外一張枱食，上埋碟嘢我哋食完走囉。。。講完碟金邊粉無耐就到咗，拿拿林食完即刻埋單走門口寫住用餐時間80分鐘，由落單到畀佢整到我地走，前後都無40分鐘，未食完仲想要我哋換枱，人均消費成$200，呢間泰菜嘅服務水平都可謂世界級。真係貼錢買難受！絕對冇下次。。。。
今晚一行四人，叫咗6樣嘢，後加咗1個，總共7個再加4杯飲品。頭6個菜，唔使五分鐘全部已經上齊。出餐真係好快，可以講同澳牛有得Fight。
不過食到咁上下嘅時候 (約由落單計25-30分鐘左右)，因為有12位大客到，餐廳先安排咗六個人坐喺我哋張枱隔離，然後就畀張單我，跟手收哂我地啲碟，仲好主動地話幫我哋去追未到過一個菜 (其實我地冇叫埋單，亦都冇叫追單)
跟住超過份嘅嘢就開始發生，個侍應走埋嚟同我哋講，碟金邊粉廚房已經開始整緊，叫我哋去另外一邊食，呢張枱有12個客人要坐。真係火都嚟埋，我話你冇嘢呀嘛，菜都未上齊你叫我轉去另外一張枱食，上埋碟嘢我哋食完走囉。。。講完碟金邊粉無耐就到咗，拿拿林食完即刻埋單走
門口寫住用餐時間80分鐘，由落單到畀佢整到我地走，前後都無40分鐘，未食完仲想要我哋換枱，人均消費成$200，呢間泰菜嘅服務水平都可謂世界級。
真係貼錢買難受！絕對冇下次。。。。
張貼