多利蘿瑪排骨之家 (已結業)

新年期間中式酒家Full曬，逼住黎左依間，試左個龍脷柳意粉，龍脷柳肉質極普通，個d汁真係唔得，太"杰"，而且好油！Baby Rib 咁出名冇理由唔試下，發覺d肉真係燒得幾腍，但有d燒焦，而且好少肉。另外配左個焗薯，薯仔幾有味，不過發覺加左太多煙肉碎，會攪到好咸。House Salad 其實同 Caesar Salad 差唔多，有菜同麵包粒，好彩有得揀醋同橄欖油，唔洗加沙律醬禁肥膩！服務真係好唔得，有一個後仔完全目無表情，好似唔想做咁，係咪間鋪頭走下坡既先兆？