滋味靚湯

營業中

休息中

喺觀塘行街，見到呢間賣已經pack好咗嘅湯同餸，買咗兩包湯同一包餸返去試下。放工返到屋企將啲湯同餸加熱，自己煮個飯，炒個菜，咁就搞掂。買咗一包鱷魚肉煲唐排，一包藥材響螺煲雞湯，幾好味，藥材味唔會太重，最緊要係完全冇味精，好似自己屋企煲嘅咁。如果自己煲響螺煲雞，起碼煲幾個鐘，而家買一包湯加熱幾分鐘就飲得，好爽。另外都買咗一包四川麻辣雞翼，夠曬麻，夠曬辣，鍾意辣嘅朋友真係可以試下，唔食得辣嘅就可能會覺得太辣，但係因為我同老公都食得辣所以覺得辣得好過癮。