Oliver's Super Sandwiches (已結業)

今日放學去食lunch，喺又一城附近所以就去試吓Oliver’s super sandwiches嘅set lunch。佢個set lunch包括有一個主食、一杯熱飲或者湯。而lunch嘅選擇亦都幾多，有意粉、三文治、焗薯同沙律揀，我就試咗個黑松露桿菌菇扁意粉套餐，嘢飲方面就揀咗即磨咖啡！意粉方面，黑松露個味道好重，但係食落味道就唔係太突出，應該調味要重啲！而嘢飲方面，咖啡就幾好啦，因為佢係即磨嘅原因，佢有一個好重嘅咖啡味！佢呢度嘅形式係先自己去俾錢，然之後會有人送餐過嚟。餐廳環境亦都幾好，非常寬敞，亦冇時間限制。