蝦匠 (已結業)

蝦少，即係蝦多士，好耐都冇食過炸得咁好嘅蝦多士，不得不讚呢間小店嘅炸物真係做得好好，三角形嘅多士炸到金黃色，但係上到枱一滴油都冇，入口香脆，最叻仔嘅係一啲都唔戒口，因為有好多做得唔好嘅會整到上顎受傷，蝦膠彈牙，有兩大塊，好滿足！蝦蝦覇覇，即係炸蝦餅，又係另外一個必食，入口香脆彈牙，有蝦嘅鮮味，我最鍾意佢兩大塊，原塊上，鍾意一大啖咬落去又得，切開細細舊慢慢食又得！講返個主角，蝦匠湯，我哋一個叫左摻摻，一個叫咗米線，上到枱我哋都嚇咗一跳，真係好大碗！面多，湯多，配料多！鍾意佢有微微辣，入口有蝦嘅甘甜，配料又蝦又扎肉有豆卜有芽菜，我哋仲加咗花膠，同埋蝦匠滑，又好味又抵食！我哋兩個人叫咗一杯百香天葵，酸酸甜甜，好開胃，食完炸嘢飲番佢成個人舒服晒！