小王牛肉麵 (已結業)

呢間牛肉麵集團有幾間舖，呢間喺呢個商場都開左一段時間。呢間分店門面都算幾明亮整潔。行過見倒個下午茶牌，同個老友入去試吓。店內裝修都算幾優雅，有少量卡位，其餘係散座。睇吓d餐纸，結果都係叫左兩個下午茶套餐同一碟小食。自己要用筆劃落張過膠纸上面，都算環保嘅，但感覺上就cheap左d囉。呢碗半筋半肉麵都ok喇，筋同肉都唔算靱，亦有添加d菜，都算健康嘅，調味亦ok，唔會偏咸。呢碗蚵仔麵線细就細碗d，但食材都足嘅，蚵仔都泡製得唔錯，湯就稍為稀左d，濃番d就會更似台式製作。呢碟滷水拼盤有鷄蛋、豬大腸同豬耳。蛋都入味嘅，大腸都泡製得幾清，豬耳都幾爽。呢杯金桔鮮檸綠茶一般般喇。荔枝玉露都有少少荔枝肉，甜度都合適嘅。 總括而言，該店出品不過不失，冇驚喜，亦冇失望。