Ebeneezer's Kebabs & Pizzeria (已結業)

今日自己一個去食晚飯。之前睇過呢度咁多人話呢間好食，就諗住去試啦，但可能我真係太高期望啦。。。我一個人叫左個ＧＲＥＥＫ　ＳＡＬＡＤ同羊肉卡巴。個ＳＡＬＡＤ　Ｄ料真係好新鮮，特別係Ｄ紅椒同車厘茄好清甜，可惜太少。但我就唔鐘意佢落得太多醬，落左３隻醬，我坐係佢隔離睇住佢係咁唧，好似唔使錢咁。Ｄ醬係多到有蓋過左材料既味道，有Ｄ浪費。同埋Ｄ芝士真係太咸，好似食鹽咁，完全食唔到芝士味。個卡巴都ＯＫ既，羊肉好硬，我覺得都係醬太多既問題，唔係唔好食既，不過係蓋過左Ｄ羊味囉。可能我本身唔係咁鐘意濃味既野食，所以覺得佢Ｄ野個味ＯＶＥＲ左啦，可能呢個係中東菜既特色啦。呢間野都係啱鐘意食濃味野既人多Ｄ。