茶涮涮 (已結業)

喺銅鑼灣百德新街近海旁油站有間新開嘅茶涮涮日式火鍋，裝修簡潔，主要係灰色同木色為主。見到餐牌有Deluxe beef set 有大概12樣食物。三款刺身，沙律，虎蝦，帆立貝，海魚，澳洲肉眼，美國牛小排，牛五花，春雞，set 好豐富。湯底揀咗鰹魚昆布湯，清清地可以食得出食材嘅味道。刺身有甜蝦，三文魚同吞拿魚，甜蝦新鮮好黏口。所有肉類係一盤上菜，最有印象係冇激素春雞，切咗一件件雞件，好濃雞肉香味。帆立貝每隻切開兩片，雖然口感薄咗，但肉質令令的。牛小排係最美味，肥肉分布平均，牛肉味濃過牛五花。蔬菜拼盤有八款菜，兩個人食都清唔晒，份量好足。