無肉食 (如心廣場二期) (已結業)

今日同老婆喺附近行完激安之殿堂就過咗嚟如心廣場行，行吓行吓就見到呢間餐廳好似有自助餐食見到都有唔少人喺度排隊所以我哋有排埋一份等左三個字到就有得入去坐入面環境都幾舒適，枱同枱之間空間唔會太少我哋今日試咗兩樣野，分別係雜菌薄餅同埋雜菌意粉。呢兩個餐都可以出去額外再夾一啲嘢食。出面食物種類選擇唔多，好多都係炸嘢，好似春卷煎堆等等，個人覺得有少少肥膩。好彩佢都有一啲蔬菜選擇，仲有紫米露同埋腐竹糖水可以揀。點知試吓試吓都差唔多飽早知唔叫薄餅同意粉塊薄餅餅底唔夠脆，有少少食麵包嘅感覺，不過冇咁熱氣係健康啲嘅另外個意粉都幾creamy，如果唔係因為頭先喺出邊夾太多嘢食，我哋實食得晒呢兩樣主菜$250唔使兩個人係超值嘅