影片
更多
2024-08-14
2076 瀏覽
兩個人黎食，叫左佢地嘅「二人A套餐」試下。加埋前菜，有7種菜色，當然有咁多款菜色所以每樣都唔太多，但係分量黎講好夠兩個人食飽。「二人A套餐」醉雞、烤麩金湯蟹肉海皇羹（兩碗）翡翠乾燒大蝦（兩隻）北京烤填鴨(半隻)松露百合翡翠無錫灌湯小籠包（四隻）➡️二位用 $568➡️另加一服務費醉雞同烤麩一小碟醉雞微凍（係好嘅），酒味比較淡，雞味唔出，普普通通，切開左4塊，但係其實兩啖食曬😅烤麩唔錯，不過不失，調味幾好，唔會太鹹小籠包一共四隻，小籠包嘅皮非常薄，個皮容易穿，同埋冇乜口感，但係呢啲野個人口味，佢嘅風味係幾好嘅，水準正常偏上。翡翠乾燒大蝦偏辣，但係個醬汁酸甜咁幾惹味，大蝦燒得幾香，我覺得呢道菜係個套餐裡面最好食嘅。松露百合翡翠裡面的百合少得可憐，炒係炒得幾香，但係冇松露味。蘆筍非常老，廚房冇削左蘆筍外層嘅皮，基本上每一舊都有渣，好似食蔗咁，咬一啖要吐一啖渣。非常難食 ;(金湯蟹肉海皇羹幾好👍🏻真係有一嚿嚿嘅蟹肉，個人覺得如果佢比小小醋自己加應該會更加鮮。北京烤填鴨🤦🏻♀️烤填鴨除了10片餅皮之外，有附甜麵醬、京蔥條及青瓜條。係啊，呢度就已經係半隻鴨啦，叫嘅時候驚食唔曬，黎到就知道點解佢係兩人餐
兩個人黎食，叫左佢地嘅「二人A套餐」試下。加埋前菜，有7種菜色，當然有咁多款菜色所以每樣都唔太多，但係分量黎講好夠兩個人食飽。
「二人A套餐」
醉雞、烤麩
金湯蟹肉海皇羹（兩碗）
翡翠乾燒大蝦（兩隻）
北京烤填鴨(半隻)
松露百合翡翠
無錫灌湯小籠包（四隻）
➡️二位用 $568
➡️另加一服務費
烤麩、醉雞、迎賓前菜
66 瀏覽
0 讚好
0 留言
醉雞同烤麩一小碟
醉雞微凍（係好嘅），酒味比較淡，雞味唔出，普普通通，切開左4塊，但係其實兩啖食曬😅
烤麩唔錯，不過不失，調味幾好，唔會太鹹
無錫灌湯小籠包、翡翠乾燒大蝦
45 瀏覽
0 讚好
0 留言
小籠包一共四隻，小籠包嘅皮非常薄，個皮容易穿，同埋冇乜口感，但係呢啲野個人口味，佢嘅風味係幾好嘅，水準正常偏上。
翡翠乾燒大蝦偏辣，但係個醬汁酸甜咁幾惹味，大蝦燒得幾香，我覺得呢道菜係個套餐裡面最好食嘅。
松露百合翡翠
39 瀏覽
0 讚好
0 留言
松露百合翡翠裡面的百合少得可憐，炒係炒得幾香，但係冇松露味。蘆筍非常老，廚房冇削左蘆筍外層嘅皮，基本上每一舊都有渣，好似食蔗咁，咬一啖要吐一啖渣。非常難食 ;(
北京烤填鴨
56 瀏覽
0 讚好
0 留言
金湯蟹肉海皇羹幾好👍🏻真係有一嚿嚿嘅蟹肉，個人覺得如果佢比小小醋自己加應該會更加鮮。
北京烤填鴨🤦🏻♀️
烤填鴨除了10片餅皮之外，有附甜麵醬、京蔥條及青瓜條。
係啊，呢度就已經係半隻鴨啦，叫嘅時候驚食唔曬，黎到就知道點解佢係兩人餐。皮肉分離，個人比較終於皮連肉嗰種。整體黎講隻鴨烤得唔香，鴨味亦都唔出，鴨皮嘅油香未逼到出黎，反而食多幾件片皮鴨就覺得好膩。餅皮係蒸籠入面上檯，但係一攞出黎，未包好野食，已經開始硬，食落小似膠。應該係餅皮嘅麵粉比例調得唔好，令餅皮冇應有嘅鬆軟。
以專做鴨嘅餐廳黎講，呢個餅皮同鴨都唔合格💔
張貼
