樹屋泰廚

營業中

休息中

好耐之前已經知道樹屋會搬過嚟金雞，幾個朋友都話食物味道及賣相比以前精美，價錢合理（比以前係熟食中心貴少少）；畢竟而家食物成本貴左，價錢有調整都好正常！香葉肉鬆炸皮蛋皮蛋外包住少少肉鬆，加四季豆香葉及泰式醬汁去炒好惹味。爆炸三文魚鮫將魚鮫炸脆，再加乾蒜辣椒乾等炒香，類似避風塘式既做法，惹味，香口，魚鮫內仲有少少肉汁，超級好送酒！泰北清湯牛筋腩鍋味道唔錯，泰式清湯腩，不過我覺得似牛肋肉多d（冇牛腩咁肥膩），清清地，跟個泰式酸辣汁，可一試。泰汁燒豬肋骨味濃肉質軟淋，醃得好好食，又燒得有少少燶邊極之香口，推介！！泰式生蝦有別於外便要自己點汁既生蝦，用shooter杯裝住上枱，成隻蝦浸住好惹味又有賣相。擺入囗再加埋塊生蒜片，飲少少醬汁，幾個朋友都食得好過癮！！燒安格斯牛扒5成熟，又係靠晒個汁，唔錯！辣椒膏大蜆＋泰式椒鹽魷魚鬚味道水準之內，略嚴個汁太厚，唔可以空口食，要跟包或者飯食。魷魚鬚夠香脆味濃，送酒之選！象啤買5送1，$115/6支 好抵飲。小店坐位唔多，建議訂枱。