至友美點

營業中

休息中

元朗區真係好多點心舖，陣係一條教育路都起碼4至5間，有幾間都係新開嘅，而有一至兩間都係好傳統嘅點心店，其中一間我都幾喜歡嘅係至友美點啦，感覺上就貪佢夠地道啦。咁我今日就夜晚游完水，游完之後十點幾好多都收左啦，咁就一個人再入去食啦，坐低左，店員問我咩茶，我就點左普洱，之後就因為好肚餓啦，叫左三個點心啦！鳳爪排骨飯，d飯煮嘅時間剛剛好，唔太硬，鳳爪同排骨份量都好多，排骨都好多肉，好味。而豉油就係自己落呀，你可以跟據自己口味落。馬拉糕，唔知點解感覺上好多地方都無得食啦，而家見到好多地方都係得果d千層馬拉糕，完全唔同味，咁e個馬拉糕就好香奶味，而且好鬆軟，而個邊都好有口感，都係好正，最後成個食晒，最主要係e款點心係小小點，又抵食又好食。咖啡魷魚，自己無唸過會咁大碟，完全係抵食，碟魷魚好香咖哩味，而且魷魚都好有口感，好爽口，唔會話有好多野黎墊底，完全係真材實料， d汁用黎送飯都係一流，最後又係食晒。雖然唔係第一次黎，但係真係好鍾意佢地道風味，會再去。