羅麥記 (奧海城2期) (已結業)

咁就一年，依然戴住口罩，依然喺大角嘴揾食，今日落雨避左入奧海城，吾係太想食老麥既情況之下，俾多次機會《羅麥記》，再試下佢既午餐。年幾前食左個凍既早餐，其實附近都好多嘢食就較少返黎幫襯。今日見佢推個午餐選擇都幾多，就叫左「焗住食」- 即係《焗豬扒飯》頂肚。大家理想既焗豬扒飯有咩條件？我既見解係《焗豬》一定熱上，塊扒一定要大大件最好會跟蛋漿焗，最好就用湯匙都切到，多層芝士，炒飯底。大快樂心心快餐店做到既野應該係基本盤。今日試呢碟《焗住食》完全符合以上條件，豬扒足手掌長，未算特別厚切，但的確連蛋漿掃面焗，芝士多到可以拉絲打咭，食到菇亦有蕃茄粒，但個紅汁有頗濃喼汁味，份量剛好完全完全覆蓋飯面，炒飯底。咬落塊豬扒有蛋香亦有芝士微焦既味道，塊扒切落都要用少少力，未致於快餐店「嗱」到𣺉曬既地步。成個飯睇得到食得到有個質素喺度，呢點要讚。入《羅麥記》，杯奶茶可能係最緊要，今次焗飯又得，奶茶亦保持水準，六十蚊喺大商場。滿意！總結 - 可以收貨！