影片
更多
2016-07-11
6503 瀏覽
山頂峰景餐廳可以話係當年雙親一個重要既約會地點，所以小時候我地每年都會搵原因黎一次，仲記得細個小朋友會有一份填色簿派黎玩。由於峰景就黎要搬走，所以我地一家人點都要黎再食一次，重溫一下昔日既感覺。每次黎我地都會點半打生蠔，今次都係，款式都係咁多，新鮮、鮮味，其實亦好抵食。而Caesar Salad加雞串燒亦好好食，汁既分量剛好，串燒亦好香，雞好嫩。漢堡包都算OK，餐廳好有心思幫我地分左四份，牛肉生熟程度岩岩好，但包既質感普通。但今晚既pizza真係好難食，好乾，應該係烘得太耐，而料亦完全唔夠。應該係我呢兩年來食過最無心思既pizza。但爸媽喜歡既印度烤餅就仍然十分唔錯，尤其加上佢自己既咖哩汁同乳酪醬，好香、好軟熟！餐廳送左一份生日士多啤梨雪糕新地俾我地。其實有半杯都係whipping cream，所以好肥滯，其實就算係送都可以唔駛咁求其吧？我地另外仲點左兩份甜品，心太軟同雜莓撻，兩個都只能講係過得去。可能就咁點movenpick雪糕食會比較穩陣。雖然食物都算勉強過得去，加上十幾年來好似無乜加過價，而且又有信用卡優惠，三百幾蚊咁既風景都算抵食既，但講真峰景集團化之後食物同服務質素真係差左
山頂峰景餐廳可以話係當年雙親一個重要既約會地點，所以小時候我地每年都會搵原因黎一次，仲記得細個小朋友會有一份填色簿派黎玩。由於峰景就黎要搬走，所以我地一家人點都要黎再食一次，重溫一下昔日既感覺。
每次黎我地都會點半打生蠔，今次都係，款式都係咁多，新鮮、鮮味，其實亦好抵食。
而Caesar Salad加雞串燒亦好好食，汁既分量剛好，串燒亦好香，雞好嫩。
漢堡包都算OK，餐廳好有心思幫我地分左四份，牛肉生熟程度岩岩好，但包既質感普通。
但今晚既pizza真係好難食，好乾，應該係烘得太耐，而料亦完全唔夠。應該係我呢兩年來食過最無心思既pizza。
但爸媽喜歡既印度烤餅就仍然十分唔錯，尤其加上佢自己既咖哩汁同乳酪醬，好香、好軟熟！
餐廳送左一份生日士多啤梨雪糕新地俾我地。其實有半杯都係whipping cream，所以好肥滯，其實就算係送都可以唔駛咁求其吧？
我地另外仲點左兩份甜品，心太軟同雜莓撻，兩個都只能講係過得去。可能就咁點movenpick雪糕食會比較穩陣。雖然食物都算勉強過得去，加上十幾年來好似無乜加過價，而且又有信用卡優惠，三百幾蚊咁既風景都算抵食既，但講真峰景集團化之後食物同服務質素真係差左。如果價錢相若，有好多西餐廳比呢度食物質素都好。爸爸就覺得：唔係丫，呢度好好食，就算係都無咁好既風景。我地就開始討論希望呢度開一間咩新餐廳，爸爸就嘆息每論開乜野都無呢間咁有風味，即使係同一個夜景，都無可能再有呢種經典既風味。哦，【風味】！個刻我明白了，呢一個【風味】係回憶之中屹立不搖既。情意結既野真係無需要爭論。
雖然而家食餐飯雙親都不自控地影相分享去群組，同小時候專心照顧我地百厭星既畫面截然不同，但見到面前既佢地兩杯雞尾酒交換飲，又不斷強調呢種【風味】仍在，我都感覺今晚係溫馨既一夜。
題外話/補充資料：
山頂店快結業了
(以上食評乃用戶個人意見 , 並不代表OpenRice之觀點。)
張貼
