影片
更多
2018-07-09
45 瀏覽
「麥田廚房」位於銅鑼灣邊寧頓街，地點旺中帶靜，主打上海派俄羅斯菜。咁究竟「上海派俄羅斯菜」又係咩黎嘅呢? 所謂上海派俄國菜，又叫羅宋大菜，其實係Russia係上海話嘅譯音，亦即係受上海人文化影響嘅俄羅斯菜。1917年俄國十月革命期間，白俄羅斯難民同一D貴族帶著佢地嘅廚師逃難到上海、哈爾濱等等嘅地方，而當時有唔少山東人去上海工作，同白俄廚子學煮俄國菜，後來調校成貼近上海人口味嘅「海派羅宋大菜」，香港開埠初期，大量中國僑民移居香港，當中包括上海新移民，菜式於當時傳入香港。當中以上海派羅宋湯，串燒牛柳，基輔雞卷，烤羊架，俄國牛柳絲飯等等尤其出色！ 餐廳環境寧靜，燈光柔和，除左有俄羅斯風格嘅裝飾佈置之外, 仲有好多俄羅斯娃娃，由細到大順序排列，令成間餐廳充滿左俄羅斯風味。由於「上海派招牌羅宋湯」係呢度嘅招牌菜之一，加上上次試過覺得好好味，當然想encore啦。上海派招牌羅宋湯: 蕃茄醬炒過後加入紅菜頭，甘筍，薯仔同椰菜同埋放過夜嘅牛腩煮成嘅羅宋湯，口感厚實，入口酸酸甜甜，帶微辣，非常爽口，令人越飲越開胃，配埋脆口既蒜蓉包，真係完美既配搭，同一般西餐飲到嘅紅白湯簡直係無得比呀。傳統迷你蝦多士:多
所謂上海派俄國菜，又叫羅宋大菜，其實係Russia係上海話嘅譯音，亦即係受上海人文化影響嘅俄羅斯菜。1917年俄國十月革命期間，白俄羅斯難民同一D貴族帶著佢地嘅廚師逃難到上海、哈爾濱等等嘅地方，而當時有唔少山東人去上海工作，同白俄廚子學煮俄國菜，後來調校成貼近上海人口味嘅「海派羅宋大菜」，香港開埠初期，大量中國僑民移居香港，當中包括上海新移民，菜式於當時傳入香港。當中以上海派羅宋湯，串燒牛柳，基輔雞卷，烤羊架，俄國牛柳絲飯等等尤其出色！ 
餐廳環境寧靜，燈光柔和，除左有俄羅斯風格嘅裝飾佈置之外, 仲有好多俄羅斯娃娃，由細到大順序排列，令成間餐廳充滿左俄羅斯風味。
由於「上海派招牌羅宋湯」係呢度嘅招牌菜之一，加上上次試過覺得好好味，當然想encore啦。
上海派招牌羅宋湯: 蕃茄醬炒過後加入紅菜頭，甘筍，薯仔同椰菜同埋放過夜嘅牛腩煮成嘅羅宋湯，口感厚實，入口酸酸甜甜，帶微辣，非常爽口，令人越飲越開胃，配埋脆口既蒜蓉包，真係完美既配搭，同一般西餐飲到嘅紅白湯簡直係無得比呀。
傳統迷你蝦多士:多士放入用鮮蝦，蔬菜同炸粉打成嘅粉漿後炸成嘅蝦多士，火喉剛剛好， 入口不但香脆而且爽口彈牙，配埋沙律醬食，真係有一番風味。可惜份量真係有點兒迷你，如果可以多少少咁就好啦。
香煎黑毛豬配蘋果汁: 黑毛豬肉質鮮美，入口夠爽，又唔太硬，味道一D都唔騷，配埋自家製蘋果蓉呢個配搭真係非常襯，味道夾得黎仲帶出肉嘅鮮味。
海派茄汁焗豬扒飯: 茄汁焗豬扒飯永遠係我既最愛，即叫即焗嘅茄汁焗豬扒飯，賣相吸引，上檯時熱辣辣，散發出陣陣蕃茄香味。加入左蕃茄，芹菜，蘑菇等等材料整成嘅蕃茄汁，味道香濃，配埋非常鬆軟嘅豬扒食，非常惹味。
呢度無論食物, 環境同服務都非常好，價錢又合理，下次要同多D人一齊黎，咁就可以試多D唔同嘅菜式啦。
張貼
