麵屋一平安 (已結業)

要講上次去一平安食拉麵己經係二年前了，今次同以前一樣照舊都係坐無虛席，需要等位先可以入座。嚟一平安最抵就係叫二人套餐，包括任選二款拉麵或飯類＋二款小食＋二杯飲品，價錢比較大眾化，既可以食到拉麵又可以品嚐到佢地的ｄ小食，一舉兩得。順帶一提，佢地ｄ坐椅既椅背比較矮，坐得好唔舒服，唔知係咪想人坐唔得耐，咁就可以翻多幾次枱。先講下拉麵，呢款拉麵湯底係豬骨湯，但湯底飲落並唔係想像中有好濃豬骨湯味，冇咩特別，俾唔到一種你想不斷去飲既感覺。麵質不會過淋，剛剛好。流心蛋和鵪春蛋亦冇過熟，蛋黃亦係流心狀態。叉燒總共有三塊，肉質軟滑，口感不錯。我亦十分認同樓上的食評，不要以拉麵店的心態嚟食拉麵，因為佢的拉麵唔係十分出色，以這款拉麵的整體質素嚟講。魷魚筒可選燒汁或鹽燒，而我就選擇了燒汁。魷魚筒配上美味的燒汁是不錯的，魷魚的肉質亦十分彈牙。而炸八爪魚球係煮得剛剛好，外脆內軟，不會像街邊的小食店煮到過熟，不過味道只屬一般，不過不失喇。