大使餐館

營業中

休息中

因為疫情，很久沒有幫襯大使餐館，年尾清假，相約舊同事再次光顧，老闆推介了三個餸給我們，椒鹽九肚魚，酥炸台山蠔，油浸筍殼魚，另外我哋揀咗淮山杞子螺頭瘦肉燉湯，薑汁炒芥蘭，欖角豬扒。首先講吓椒鹽九肚魚和酥炸台山蠔，鬆脆脆而薄，唔會感覺得好似其他餐廳，食咗厚厚嘅麵粉，九肚魚和蠔，熱辣辣，味道啱啱好，筍殼魚，外脆內軟，炸得魚肉唔會乾身，好嫩滑，燉湯，味道適中唔會過鹹，上枱仍然熱騰騰，薑汁芥蘭，芥蘭好甜好嫩，餐廳應該選擇食材時，有花心思選擇，最後欖角豬扒，味道可以，不過唔夠欖角味，有待餐廳改善，疫情後，餐廳環境感覺更加乾淨闊落，食物更勝從前，呢度唔限時，是朋友聚餐一個非常好嘅選擇地方，值得推介👍