La Parole (已搬遷) 新店位置

星期日去咗食午餐，之前都幫陳過，覺得不論環境和食物都幾好．叫咗一個磨茹雞肉野米飯和一個海鮮意粉，落單後無幾耐，個待應就攞咗d麵包來俾我哋選，有三種包（粟米、小麥、餐包），d麵包好熱好好味，好似新鮮出爐一樣．可能係剛剛開舖，所以連湯都好夠熱．加$20可以有自助沙律吧，沙律吧d食物種類都算多，今次有龍蝦仔，都幾新鮮d肉都好彈牙添．嗰野米飯好有咬口，好好味，不過d餸就淡咗少少．見honey個意粉都好大碟，由於太飽所以無試到．甜品係朱古力蛋糕，雖然係套餐的甜品，不過都好好味，不會將價就貨．