影片
更多
2018-08-30
1025 瀏覽
這個幾星期，晚晚都下大雨，有時黃雨，今晚更加是紅雨，收工時交通混亂到極點，搭地鐵是較為穩陣的選擇。搭地鐵時，同Honey度下去邊食，佢話唔想食得太heavy，我就建議去食 Red Rice，佢係一間米餃王主意的餐廳，而且有幾間分店，非常就腳。橫掂搭緊地鐵，就搭咗去荔枝角站。一出D 出口就到，落雨都唔怕。行到門口，見有班姐姐喺度研究緊菜牌，阻住晒，落梗雨架嘛! 借借唔該!呢間餐廳都好大間，裝修簡單又四正整齊，顏色是以紅色為主色，襯晒個餐廳名。因為是收工時間，所以都好full。企咗一陣，侍應姐姐就執咗檯卡位俾我哋，真係唔該晒!睇住新聞報道，原來新界北部變成澤國，而丁九更出現水龍卷，嘩! 好震驚呀!睇番呢度有咩食先? 嘩! 好震驚呀! 一蚊雞竟然重現江湖! 唔使諗，緊係要食佢啦!叫咗【豉汁脆瓜蒸排骨 $46】、【清蒸菜心 $28】，轉套餐加咗 $12，就有埋一個白飯、一個例湯和一杯熱咖啡，呢個組合就可以加一蚊雞換一碟例牌原味雞喇，即是$75搞掂，超抵!再叫多一份雙拼雞翼$32，和一杯特濃火山紅豆華田 $9 (跟餐價)。加加埋埋成餐飯都只係$128。【熱咖啡】咖啡係即是磨的，味道正常。【特濃火
橫掂搭緊地鐵，就搭咗去荔枝角站。一出D 出口就到，落雨都唔怕。行到門口，見有班姐姐喺度研究緊菜牌，阻住晒，落梗雨架嘛! 借借唔該!
呢間餐廳都好大間，裝修簡單又四正整齊，顏色是以紅色為主色，襯晒個餐廳名。因為是收工時間，所以都好full。企咗一陣，侍應姐姐就執咗檯卡位俾我哋，真係唔該晒!
睇住新聞報道，原來新界北部變成澤國，而丁九更出現水龍卷，嘩! 好震驚呀!
睇番呢度有咩食先?
嘩! 好震驚呀! 一蚊雞竟然重現江湖! 唔使諗，緊係要食佢啦!
叫咗【豉汁脆瓜蒸排骨 $46】、【清蒸菜心 $28】，轉套餐加咗 $12，就有埋一個白飯、一個例湯和一杯熱咖啡，呢個組合就可以加一蚊雞換一碟例牌原味雞喇，即是$75搞掂，超抵!
再叫多一份雙拼雞翼$32，和一杯特濃火山紅豆華田 $9 (跟餐價)。加加埋埋成餐飯都只係$128。
【熱咖啡】
咖啡係即是磨的，味道正常。【特濃火山紅豆華田】
非常震憾! 華田滿得好澎湃，味道好濃郁。【雙拼雞翼】
揀咗水牛城辣汁雞翼和蜜糖柚子兩款。兩款雞翼烤得色澤均勻，外皮亦帶脆。水牛城雞翼有少少辣，都幾惹味。不過，我覺得蜜糖柚子烤雞翼的味道更勝一籌。
【清蒸菜心】、【原味雞】
【清蒸菜心】菜心綠油油，用蒸的方法來煮熟，很健康。
【原味雞】一蚊都咁大碟! 皮薄肉多，有雞味。
【例湯】係番茄薯仔湯，無味精，味道唔錯，而且健康。
【豉汁脆瓜蒸排骨】
份量多，肉多骨少又唔肥。蒸得又腍又滑，味道適中。沒有用太多豆豉去蒸，就唔會搶走排骨本身的肉味。
用來送飯都好good。
整餐飯，味道好，份量足，價錢超抵，唔怪之得呢度有咁多人幫襯。
張貼
