影片
更多
2021-10-07
657 瀏覽
cheeky pasta 只會做到9月尾,兩位店主將會離港移民台灣,開返間 cheeky pasta tai wan,唉,又少一間好野食啦.最後兩日,好好珍惜,為免最後一日同deadline frighter迫,哩兩日點樣都要去食個意粉,傾幾句,有人話佢地串咀,有人話佢地黑面,其實人人都有性格,有情緒,你唔知人地發生咩事或者咩狀況,我就係喜歡佢地夠真,好似朋友好似街坊一樣既感覺,老闆活潑風趣,老闆娘相對認真,通常都係靜靜煮野,但佢得閒果時都好好傾,諗左好耐樣樣都想食,最後見前面揸小小電單車既情侶食辣到開花lv3,又跟黎食,試lv2,加海鮮,跟住去買左罐叫佢 si l dan(是L旦)既ipa,好啱飲,但店員話都係最後一批啦,因為之後會轉formula,好啦,最後的cheeky pasta x 最後的 si l dan ipa,復古既鐵盤,隨意既擺碟,意粉份量都好夠食,海鮮都唔少,咁樣既配搭真係好啱,辣意粉配ipa,仲有靚靚postcard.扁意粉彈牙唔過油,入口第一下覺得甜,之後慢慢辣味先出黎,唔算辣,幾好味,早知試 lv3 辣啦...之後,隔離個男仔叫左個水牛芝士沙律,但佢話佢唔知有
兩位店主將會離港移民台灣,
開返間 cheeky pasta tai wan,
唉,又少一間好野食啦.
最後兩日,好好珍惜,
為免最後一日同deadline frighter迫,
哩兩日點樣都要去食個意粉,傾幾句,
有人話佢地串咀,有人話佢地黑面,
其實人人都有性格,有情緒,
你唔知人地發生咩事或者咩狀況,
我就係喜歡佢地夠真,
好似朋友好似街坊一樣既感覺,
老闆活潑風趣,老闆娘相對認真,
通常都係靜靜煮野,
但佢得閒果時都好好傾,
諗左好耐樣樣都想食,
最後見前面揸小小電單車既情侶食辣到開花lv3,
又跟黎食,試lv2,加海鮮,
跟住去買左罐叫佢 si l dan(是L旦)既ipa,
好啱飲,但店員話都係最後一批啦,
因為之後會轉formula,
好啦,
最後的cheeky pasta x 最後的 si l dan ipa,
復古既鐵盤,隨意既擺碟,
意粉份量都好夠食,海鮮都唔少,
咁樣既配搭真係好啱,辣意粉配ipa,
仲有靚靚postcard.
扁意粉彈牙唔過油,
入口第一下覺得甜,
之後慢慢辣味先出黎,
唔算辣,幾好味,早知試 lv3 辣啦...
之後,隔離個男仔叫左個水牛芝士沙律,
但佢話佢唔知有黑醋,唔想要,
我就要埋佢個沙律拎返屋企食囉.
有回憶既路邊小店.
仲有cheeky 精品呀.
所有既事將成回憶,希望有日台灣再見啦,
祝一切順利.
張貼
