京林屋 (已搬遷) 新店位置

京林屋一開嘅時候同朋友黎食過，事隔幾個月，好似多左一d新口味，抹茶控又想黎朝聖！食品款式選擇多，除左抹茶，呢度仲有焙茶口味食品。食甜品之前，先食一個主食。主食有冷抹茶蕎麥麵、同熱抹茶蕎麥湯麵雨款，喜歡食冷麵嘅我今次選擇左冷抹茶蕎麥麵($78) 。冷抹茶蕎麥麵感覺幾清新，麵本身有淡淡嘅抹茶味，麵質幾彈牙，配上醬油、wasabi、蘿蔔漬、蘿蔔蓉、香菇等配料一齊食，食甜品前打打底都不錯啊！甜品方面，今次食左三款。抹茶卷蛋($88) 每日新鮮由日本運到香港，而且每日限量發售10條。抹茶蛋糕有淡淡抹茶味，蛋糕頗鬆軟，中間包住一層薄薄嘅紅豆同埋抹茶忌廉，忌廉軟滑，奶油味香濃，配上奶味較重嘅抹茶雪糕、白玉、同紅豆，食得滋味。抹茶芝士蛋糕 ($88) 質感紮實，芝士頗濃郁滋味，但同時略略蓋過抹茶味。抹茶雪糕軟滑但奶味較重，煙韌嘅白玉同紅豆蓉都算不錯的。焙茶啫喱雪糕 ($58) 覺得呢度嘅焙茶雪糕比抹茶雪糕出色，兩款雪糕都係奶味較重，但係焙雪糕相對茶味較出，，帶點點甘香苦味，不過質地幾creamy，啫喱同樣帶點點茶香。總括黎講，呢度選擇多，味道都唔錯，抹茶控一定會揀到合心意嘅甜品！