影片
更多
2022-10-10
371 瀏覽
早、午、晚餐我都食過啦，今次試埋下午茶，一個字「正」！生炸南乳雞髀配薯條 即叫即炸熱焫焫已經加哂分，原隻大雞髀炸得好酥脆但一啲油膩感都冇👍🏼食落有好濃郁既南乳味，雞髀肉保持嫩滑，真心炸得好好味😋仲有波浪薯條，又係炸得外脆內軟，高質！芝士洋蔥豬扒豬仔包我一向唔太鐘意食豬仔包，可能以前食過既都係焗到硬崩崩唔好食，但呢到焗出黎既豬仔包令我改觀左。成個包好大個，焗得好好，外面脆卜卜入面好鬆軟喎，我食到係咁跌包碎😆，洋蔥有調味有炒過，豬扒好大塊都幾厚肉既，煎得好香，肉質鬆嫩有肉汁，食得出係有用心整既。#其實我係街坊🫢#我唔係打手真心好食我先再訪#附近茶記得呢間保持到水準#茶記黎講佢係乾淨
生炸南乳雞髀配薯條
即叫即炸熱焫焫已經加哂分，原隻大雞髀炸得好酥脆但一啲油膩感都冇👍🏼食落有好濃郁既南乳味，雞髀肉保持嫩滑，真心炸得好好味😋仲有波浪薯條，又係炸得外脆內軟，高質！
芝士洋蔥豬扒豬仔包
我一向唔太鐘意食豬仔包，可能以前食過既都係焗到硬崩崩唔好食，但呢到焗出黎既豬仔包令我改觀左。成個包好大個，焗得好好，外面脆卜卜入面好鬆軟喎，我食到係咁跌包碎😆，洋蔥有調味有炒過，豬扒好大塊都幾厚肉既，煎得好香，肉質鬆嫩有肉汁，食得出係有用心整既。
#其實我係街坊🫢
#我唔係打手真心好食我先再訪
#附近茶記得呢間保持到水準
#茶記黎講佢係乾淨
張貼