REHAB (已結業)

話說嗰日趕住開會，又肚餓，2點幾嘅時間去到REHAB照舊叫咗兩個餐，兩個人都勁肚餓，等咗四個字先上意粉，一邊食一邊話咁咸嘅？但無辦法，太餓所以車哂入口跟住叫住個樓面同佢講，今日碟意粉好咸喎，佢話同廚房講下之後再等多5個字，都未有任何嘢上，係咁催單，就出嚟解釋話少咗個廚房同事，可能要等耐少少咁你哋唔好係咁接客吖我哋入黎嘅時候已經坐咗一半，有啲就食完嘅之後外面門口你哋都仲收客如果你哋唔夠人，一係有限度營業，一係喺我坐之前同我哋講聲吖，至少我仲可以揀入唔入黎食！客就收咗，等9個字得一碟好咸嘅意粉之後催到差唔多一個鐘，先上牛面肉同雞肉潛艇堡牛面肉都叫做正常發揮但個雞肉潛艇堡真係咸到死我同男朋友都各自咬咗一啖放返低，痴線，食完會腎虧個薯條就又腍又油⋯以為佢啱啱炸完，可能放下會脆返（因為焗餅要等先脆㗎嘛，我又好低能咁套咗入去），等到我哋食完牛面肉，啲薯條都仲係咁腍咁油，我無補充仲有一個炸魷魚，個炸魷魚都係唔脆嘅，不過唔係腍嘅，係硬嘅但因為太肚餓，又冇嘢食，所以都係一樣車晒入口，不過去咗個炸衣飲品就無乜特別，叫咗杯Raspberry 嘅mock tail，唔係好覺佢係mock tail，除咗佢用酒杯