上海真真豆漿大王 (已結業)

上海菜不嬲係我既愛，但每次試新既上海菜館都令我提心吊膽，因為中過幾次伏哩間係紅磡既上海菜小店我bookmark左好耐嫁啦，終於去左試。唔知點解我成日覺得食上海菜小店一係就食糖醋排骨，一係就食擔擔麵。咁啱幾肚餓，就決定叫個糖醋排骨飯佢放到落台面，睇到賣相，我已經冇心機影相啦！所以是但影左就算⋯首先，講左個飯先啦！飯量其實夠多，送到黎仲冒緊煙添，心諗個飯應該好新鮮、好軟熟，點知我錯啦！咁大個人都未食過咁難食既飯！啲飯係一小片一小片咁，好似比膠水痴住咁，但佢唔係飯焦，食落硬既，難食到一個點究竟點樣先煮得出咁難食既飯呢，我真係唔係好明，最詭異既係佢仲冒煙嫁，新鮮煮起都咁，真心不得了然後，糖醋排骨其實份量都多既，但係好油。我將排骨一塊塊夾起用啲難食既白飯吸左陣油先夠膽食。不過，應該糖醋排骨間間都係咁油嫁啦！所以哩樣野我都接受既，食得咸魚要抵得渴。排骨算半肥瘦，食落冇咩甜味，少少酸，完！肉質都軟淋，一咬就變成絲，但有幾舊就韌左。整體黎講，係比油浸過既酸少甜排骨，色香味完全冇既，仲要唔熱。夾硬食左啲係因為唔想餓，不然我會直接走人可能我唔識order野食啦！可能佢其他食物做得唔錯但我偏偏叫中個伏啦！但