金田日式放題 (已結業)

今次係我第二次去金田，半年前幫襯過一次，印象中刺身十分新鮮，價錢又底，所以今次一家人食飯，決定再返黎食。6:30準時入座，一坐低馬上填紙入單，點知發現點餐纸唔同左，原來店員話剛剛今日轉了新點餐纸，加多左好多新items，哈哈! 真係好彩，咁就要試試新菜式。主打必食：首先係魚生-魚生維持水準，仲多左款。三文魚，油甘魚，象拔蚌，鱆紅魚，甜蝦，吞拿魚， 鯛魚，希靈魚，北寄貝…….各10件全數供應……)我地叫咗成4-5次，份量次次都足………尤其三文魚非常肥美，但甜蝦就比較細芝士年糕-名不虛傳，勁好食天婦羅- 大蝦食咗兩次，好新鮮，同埋D粉好薄，家人反而食番薯同埋南瓜，佢地話好正芥辣八爪魚軍艦-辣辣地，係壽司店食要成30蚊碟，抵食炸蝦反卷/軟殼蟹牛油果反卷-熟食人必食，細細舊，有少少沙律漿勁開胃蒜片牛柳粒-牛肉份量足， 味濃黑豚肉串/翠玉瓜串/牛舌串-即燒，香口羊架-啖啖肉，加少少7味粉簡直無得彈豬軟骨-非常入味，偏甜，但我就好鐘意薯仔蚊牛肉-薯仔好入味，而且炆得淋炸安康魚-應該係新菜式，第一次係放題見到有得食，魚肉滑，炸粉又香口，正值得一試：蟹子壽司-蟹子好食，紫菜脆口忌廉焗蠔-好creamy