安利大排檔 (已結業)

前幾日入去筲箕灣接女友順便食午餐，由於好耐無食魚蛋粉，加上唔太想食濃味野，所以就決定去東大街食<安利>~~<安利>係東大街有兩間，分別係<安利大排檔>同<安利魚蛋粉麵>，據聞係<安利>於兄弟分家之後衍生出黎~~~兩間係日間營業時間都係經常大排長龍~~店鋪售賣既食物其實同一般粉麵店相近，除左魚蛋之外，牛腩亦係好多食客會叫既食物~~~炸魚皮 - 魚皮夠大塊，但當日上台既感覺硬身左少少，唔係好夠脆~~~魚蛋河拼原味炆腩 - 魚蛋幾彈牙，牛腩因爲炆既關係好淋，河粉薄身且幾滑~~~切腩片頭撈米 - 切腩由於我地指明要坑腩，所以食落除左更加有牛味同爽口，米粉亦見彈牙~~~