兩草 (銅鑼灣道) (已結業)

最近比較窮，所以想找一間平價餐廳食午餐，於是就去返這間上次食過覺得唔錯的小店。佢搬左去隔一條街的鋪位，地方大左、寬敞左，但個裝修就冇以前咁有特色。今日我叫左滑蛋叉燒飯。講真，個飯的做法真係好簡單，但廚師明顯放左好多心機係細節度。首先有蔥花鋪左係飯面，所以食落會有啲層次。其次，啲飯煮得非常煙韌，好有咬口，叉燒亦唔會太瘦，夾埋一齊食，係有鑊氣，而且廚師亦都唔會落得太多鼔油，所以唔會太咸。以$30來講，質素極高。