BBQ Military (已結業)

朋友住荃灣呢邊真係好多野食，尤其係大鴻輝中心基本上成橦都係餐廳，所以下面好多人掛隊，花多眼亂，我地係樓下睇左陣都唔知食邊間好，最後猜左一輪包剪泵揀左食韓燒！一上到去個場大到呢，等左陣就有位入，而且好嘈，因為客人一入去成班侍應就會大叫：呀呢蝦些唷！係feel 到佢地聲嘶力竭咁叫出黎，成餐飯不斷都聽到，有啲煩其實同埋都真係鄧佢地攰...一大盤前菜，堅係military feel wor好似入伍果種食飯盤。有泡菜、洋蔥、大豆芽等。食完前菜，正式開動燒肉喇！切到細細件既調味雪花牛肉，個樣好似有少少圖文不符喎，不過食落都唔錯，入口好稔牛味濃郁。每次韓燒必叫既五花肉，燒到金黃色逼晒啲油脂出黎好香口，用生菜包住加上泡菜，減低油膩感，一大享受！主食另外叫左人蔘飽魚雞湯，差唔多有半隻雞，雞入面塞左啲飯，湯好重蔘味而且雞已經煮到諗晒，好容易撕開，不過唔算好夠火喉果種。最尾有糖食俾你去一去口陣燒烤味。Service唔錯，時不時幫手換網，而且店員經過都會幫手燒下睇下咁！只係佢地真係嗌得好頻密，只可以話證明客似雲來...