龍津美食

營業中

休息中

見到好多人話佢哋姐姐嘅服務態度好差，我唯有都吐槽下～樣樣嘢食十幾廿蚊，平過茶餐廳嘅質素，你想要好過茶餐廳嘅服務嗎？更何況，茶餐廳都冇服務啦！一間鋪頭，樣樣嘢食都咁平，企喺到又要收錢又要整嘢比你食，一腳踢咁，換做你，有幾好態度？所以，我來得呢到買嘢食，就唔會睇姐姐面色，我睇嘅係啲嘢食。琳瑯滿目，應有盡有，人多起來，啲姐姐都咪話唔忙，互相體諒下都好應該。我最鍾意食呢到嘅碗仔翅，有得揀辣定唔辣嘅菜脯，我喜辣，仲會叫姐姐比多啲～冇孤寒到，真係好多菜脯。碗嘢嘅料都好足㗎，雞絲、木耳絲、粉絲，啖啖爽口惹味。