B.Duck Cafe (已結業)

一去到已要等位，唯一唔洗等係坐露天有好多款食物選擇唔係其他主題餐廳得幾樣嘢。我地4人點了2飯一湯一薯條3飲品。400蚊左右。下午茶都算貴。上餐時間10分鐘左右。賣相很好，小朋友望到都好開心。味道好。唔係得個樣。蘑菇湯好好味，麵包夠脆。咖哩飯唔辣個夠香。粟米白汁都夠味。果茶夠果味唔係只得糖水味。咖啡都有水準的。薯條夠脆。服務員會周圍睇下要唔要幫大家影相。笑容非常好。服務一流。全店唯一差就係非常熱。就算坐室內都非常熱。如果有人開左出露天位度門，你會覺得自己身處大排擋。用餐後，有職員會詢問食物味道，店員服務等。如果冷氣改善到就真係一流但店員話係中央冷氣所以需要同商場反映。所以唯有等冬天再去。