一鍋 - 台日式精緻小火鍋專門店 (已結業)

朋友生日又想暖粒粒咁過呢個冬天，結果就搵咗間餐廳一齊打邊爐慶祝。入到去，麻雀雖少但食物真係非常之好味道！而且見到牆上貼咗好多明星自拍照，我估應該幾出名。其實餐牌，有好幾個套餐可以選擇，之後就可以半自助形式出去拎台式丸、蔬菜、麵類、醬油飲品等等。而同朋友最終叫咗個2人龍蝦餐。前菜 - 三文魚子海膽帶子盛：選料新鮮，而海膽真係有好濃海膽味，夾埋一齊食真係好正。台式丸：其實自助吧果到有好多香港少見嘅丸類，同完負責人吹水先知原來佢哋係台灣專程入貨，當中有不少丸類都超級正，例如：櫻花蝦餅、麻吉燒都非常爽口彈牙，唔試唔得。估唔到除咗佢嘅丸類好味之外，海鮮都幾特出。配合番茄湯底剛好能帶出龍蝦的鮮甜味，龍蝦好味唔多講，原來佢個殼都好有用，負責人話食完可以放落鍋一齊煮，令湯底可以更加鮮。而肉類就揀咗日本黑豚梅花肉同牛肩胛肉，梅花肉夠嫩有濃嘅黑豚味。而牛肩胛肉脂肪比例較少，個人會比較鐘意黑豚梅花肉。食呢餐真係非常滿意，不論食材定係湯底都好正，而個人建議食海鮮可以揀用蕃茄涉底，因為可以令鮮味更特出，而最後仲有Haagan Dazs雪糕食。