有蒸氣 海鮮石鍋專門店 (已結業)

果日係三週年紀念日，男友知我鐘意食海鮮，帶咗我黎呢間都幾出名嘅火鍋店！叫完個餐佢就上左醬料俾我地調，鐘意食辣嘅可以瘋狂加辣椒！前菜係青瓜同花生，花生係基本！但青瓜同男友都爭住食唔停口，好開胃！佢鐘意食羊肉，我鐘意食海鮮，所以就揀左呢個套餐set首先，花甲同鮑包一齊上，可以見到佢處理得好乾淨，內臟都去除晒，對於我有潔癖嘅人黎講，做得非常好。花甲冇沙，同鮑魚一樣爽口彈牙，唯一唔同嘅係，佢多左一種鮮甜！冬蟲草加鮑魚，成個感覺好奢華，鮑魚大隻又香口。黑松露蟶子，同樣地，內臟處理得好乾淨，冇沙，黑松露唔會話搶左蟶子個味，有少少「炭燒」蟶子個感覺，食個黑松露就明！蒸嘅好處係：個鮮味仲保留到。再黎係個海斑，加埋個桶蠔一齊蒸，海斑好嫩滑，桶蠔仲食到陣鮮味，美國嘅桶蠔果然係唔同！最後到重點：羊肉，我平時唔食羊，但個羊肉唔羶，加埋佢調果個汁伴埋一齊食，冬天暖身一流！最後，我見佢每檯都會問食唔食糖水，專人服務，夾埋海鮮俾你，仲問埋食唔食糖水，十分暖！