圃鍋 (已結業)

最近天氣就開始凍喇，係時候叫埋朋友仔一齊打邊爐😋 依間火鍋店雖然唔係平時介紹開嘅放題形式講求高CP，但今次食嘅係高質😎 皆因佢哋嘅鍋底同配料質素高之餘，仲對得起價錢。單單火鍋醬料已經有9款比你自由配搭😍 但重頭戲當然要落返起個湯底同肉類到啦~-鮮人蔘燉竹絲雞鍋($198) 係最近嘅人氣之選🔥 入面有成隻烏雞，加埋5-6隻雞腳，瘦肉同人蔘去煮，成個湯底鮮味十足，仲有補血滋陰，清潤養氣嘅係用，啱哂一眾女士們👭*特選和牛拼盤($368/例) 入面包括左本地手切牛，日本和牛同牛肉粒🐂 就咁睇牛肉嘅顏色同雪花幾靚。手切牛同和牛嘅肉味都好濃，油脂味好香👍🏻 落鍋煮5-10秒就啱啱好，夠哂嫩滑！*蒙古羊肉片🇲🇳($98) 有六片左右，每片都幾大塊下！依家天氣轉冷，食羊肉超補的🤩 食落肉質一啲都唔會鞋口，羊肉味超級濃！但怕羊騷味嘅朋友仔可能要注意下*芥末墨魚丸($88/6粒) 價錢可能偏貴左啲，但芥末味幾出，唔會有攻鼻嘅感覺。墨魚味都幾濃，間中仲會食到啲墨魚粒，食落會帶點爽口彈牙之餘仲幾有咬口😌*小食叫左麻香鴨舌($68)同炭燒黑豚肉($88) 鴨舌結實得嚟幾夠麻味，如果再辣返啲會更好🌶 黑豚肉食落真