一幻拉麵 (已結業)

原本打算去另一間食拉麵, 但仲有幾個字才到晚市開門時間, 於是周圍逛逛, 咁啱經過一幻拉麵, 見到營業中, 而且唔使排隊, 所以就改變主意......服務方面唔錯, 坐低冇耐已有店員主動上前介紹各款拉麵...由於喺門口已經俾張海報吸引, 於是柯打了“冬日限定 - 辛辣味噌蝦湯拉麵” ($88)一碗拉麵最基本要求係湯要夠熱, 而一幻拉麵完全做到呢樣野 , 好正 不過雖然話係辛辣, 但其實幾乎一啲辣味都冇.....湯底有好香嘅蝦味, 好濃好香.....落埋蒜泥仲正 ~揀咗粗麵, 麵條有咬口, 雖然有鹼水味, 但唔太重, 可以接受 ......配料有半隻溏心蛋 + 兩片薄叉燒P.S. 1. 加一收費2. 收信用卡3. 見到其中一隻水杯有少少污漬, 希望店方多加注意 !