Mango X'press (已結業)

天氣熱到傻, 行經mango x’pres, 諗住飲返杯野消暑, 點知見到新出品既豆腐花, 被佢吸引左。大熱天食冰凍豆腐花簡直系享受!! 有抹茶紅豆、珍珠同芒果味, 抹茶賣哂所以同媽咪揀左芒果同珍珠。豆腐花好大碗, 上面鋪滿愛文芒果, 芒果又香又甜, 配埋豆腐花食甜度啱啱好!! 豆腐花滑嫩, 入口涼浸浸, 正!! 而珍珠非常煙韌有咬口, 配埋黑糖同黑豆花, 好好食!! 2大碗豆腐花都系$18同$15蚊, 今時今日普通1碗都十幾蚊, 呢度真系幾抵食!! 心心窩夫 $68呢個心心窩夫好大份, 幾重手, 吸精度高, 拎住行聽到有人話好型😂😂😂吸精度爆燈但系味道就一般啦😳 窩夫唔夠脆, 有啲似蛋糕, 質感亦唔夠綿滑, cream實左啲, 好膩, 中間包住愛文芒果雪糕, 雪糕芒果味濃, 果然芒果系主打💁梳打有唔同色系因為有盞閃閃下既燈系裏面, 甜甜酸酸咁有得食有得飲, 系有諗頭既👍不過如果店舖有少量位置可以堂食就更好。