喜鳳冰室

營業中

休息中

舊同學晚餐聚會，今次選址係油麻地上海街一間茶記「喜鳳冰室」我有㸃好奇!茶記吃什麽的!? 後來才知這間冰室原來晚市係食特约私房菜的。 今晚一班同學無拘無束飲着酒談笑風生的氣氛十分輕鬆。 菜式令我驚喜! 超级有水準! 每道菜都好精緻味道好，顯示出大廚的心思同功力!首先出個粉葛鯪魚豬骨湯已經拍掌叫好!啲料多到呢~鲜甜濃得來有種潤喉下火感覺火喉十足。再來個冰鎮鲍鱼嘩!好有睇頭!聽大廚表示鮑魚已經用酒和調味浸泡了兩天的功夫。所以真係好入味，又爽彈又有酒香。真係细心用刀义品嚐。 鴛鴦皮蛋，紅酒浸蕎頭，我特別喜歡!两樣味道好夾。中間的麻辣牛肉好惹味! 蝦多士件件金黄色好酥脆香口!蝦又爽。中間係炒带子，粒粒都好爽滑。油爆龍躉球， 肉質甜到一個點， 皮層好厚充滿骨膠原,原條露筍好嫩口清甜。真係味味都有驚喜!燒新鲜菠蘿 同 黑毛豬咕嚕肉黑毛豬肉味特別香甜淋滑， 真係外脆內嫩! 酸甜汁調味調得恰好。濃湯浸鶴藪白菜普通一個食材都做到盡善盡美!伊麵特别好食!有乾葱同醬油的香味充滿鑊氣。原來大廚除了廚藝了得 做甜品還有一手！芝麻卷真係好好食!個個都食得好開心!真係好滿意!估唔到係咁正!