聰嫂私房甜品 (已結業)

聰嫂嘅甜品已經唔係第一次食， 最得我嘅歡心依然係佢嘅龍眼椰果冰，當年一試難忘嘅甜品。今日喺將軍澳食完晚飯，時間又尚早，又走去食番碗龍眼冰啦，睇下佢水準保唔保持到先。鋪頭既座位都幾多， 而且時間尚早，所以大把位可以揀。坐低之後睇咗陣個餐牌，我都係決定食番我最鍾意嘅龍眼冰，而朋友就揀咗芋頭西米露。好啦 ，上枱喇影完相，即刻食咗一啖!都依然係咁清新香甜，水準不變😍。龍眼冰加埋上面嘅水晶珠同椰果， 口感非常之好，爽爽脆脆咁樣， 一口接一囗，食唔停口。 加上頭先個晚餐有啲飽滯，食番個清新嘅甜品真係好解滯。朋友嘅芋頭西米露唔會太甜, 都好味的。