影片
更多
2012-12-28
133 瀏覽
此店位於尖東, 都算係靜中帶旺既地段。推門入去, 木色既裝潢, 好有傳統扒房既感覺。枱與枱唔算太迫, 但亦唔係好靜令人唔敢講野既格局, 朋友情侶都適合黎既地方! 點了兩個set 另加我十分期待既蟹餅同凍蝦。先黎一杯餐前酒, 係甜身既sparkling。再配上蟹餅同凍蝦, 個蟹餅真係好好食, 見到一梳梳蟹肉架! 蟹餅睇落好似好細個, 但佢質地結實, 而且sizzling時有加油, 食落都好飽肚的! 而個凍蝦就好爽口同甜, lee 個dressing 帶微辣.. 咁我更係覺得蟹肉吸引d啦… LOBSTER BISQUE – 質地剛好CREAMY, 每一啖都充滿住龍蝦湯那股鹹鮮味, 而且每口都有碎碎既龍蝦肉。好味!! 跟住就係個扒啦, 叫左個Petite Filet 8-ounce, 小妹確實係唔識野, 因為我食牛不能食太生的… 平日用碟上就叫8成, 用鐵板上就7成, 而我見佢係用碟上就叫左個medium well…. 上菜先發現佢個碟係極熱的! 個扒本身8成好快就變左9成。說真的個牛柳本身係好好食, 唔駛加任何dressing 都好好味, 只係小妹唔識野, 令佢熟過頭。另外, 就係唔能夠任
點了兩個set 另加我十分期待既蟹餅同凍蝦。先黎一杯餐前酒, 係甜身既sparkling。再配上蟹餅同凍蝦, 個蟹餅真係好好食, 見到一梳梳蟹肉架! 蟹餅睇落好似好細個, 但佢質地結實, 而且sizzling時有加油, 食落都好飽肚的! 而個凍蝦就好爽口同甜, lee 個dressing 帶微辣.. 咁我更係覺得蟹肉吸引d啦…
LOBSTER BISQUE – 質地剛好CREAMY, 每一啖都充滿住龍蝦湯那股鹹鮮味, 而且每口都有碎碎既龍蝦肉。好味!!
跟住就係個扒啦, 叫左個Petite Filet 8-ounce, 小妹確實係唔識野, 因為我食牛不能食太生的… 平日用碟上就叫8成, 用鐵板上就7成, 而我見佢係用碟上就叫左個medium well…. 上菜先發現佢個碟係極熱的! 個扒本身8成好快就變左9成。說真的個牛柳本身係好好食, 唔駛加任何dressing 都好好味, 只係小妹唔識野, 令佢熟過頭。另外, 就係唔能夠任性, 明知牛係配紅酒好d… 果晚任性地點了Pinot Grigio, 令到啖酒好苦……. 仲有, 個potato mash 好有水準.. 知道好肥都食唔停….
結尾當然來點甜的, 要了個BERRIES ICE-CREAM 配上DECAF COFFEE. BERRIES ICE-CREAM - 好似每啖都食緊真既莓咁., 酸酸地可以去左飽滯既感覺。
講起都仲好掛住個crab cake呀~
題外話/補充資料：
多謝友人先食到咁好味既crab cake!
(以上食評乃用戶個人意見 , 並不代表OpenRice之觀點。)
張貼
