札幌拉麵屋

營業中

休息中

同老婆話嚟好耐，今日終於嚟咗。我哋叫咗冷麵($55)，普通拉麵($38)，同埋燒雞軟骨($20)。首先要讚佢哋嘅凍茶，有玄米味又解渴。冷麵好正！麵質清爽彈牙，配上海蜇、切條叉燒、蛋絲、青瓜、紫菜絲、新鮮生菜等等，感覺好清新。至於普通拉麵，我起初都覺得奇怪，點解會咁樣改名，話自己啲嘢普通，不過食完就認為個名改得幾貼切，雖然麵質算唔錯，但係珠玉在前，給冷麵比下去，加上湯底我嫌唔夠好味，所以只算普通。燒雞軟骨方面，我哋係第一次食，雖然係即燒兼幾有咬口，但係對我哋嚟講，感覺只係一般。