影片
更多
2022-08-07
125 瀏覽
家人休息一天唔煮飯，一齊出去食。平時都好少喺太安樓食飯，覺得附近啲環境唔係好乾淨，好多時都係買外賣。經過呢間餐廳，望落去幾光鮮，鋪面睇落乾淨，決定入去試一次。到達嘅時候大約7:00，舖頭人唔多，大約有3～4台客人，陸續入嚟嘅食客亦都唔多，但係見到職員不停喺舖頭來來回回，拎住啲外賣送去門口。餐廳主要做外賣單，會坐低食嘅客人唔多。我哋叫咗兩個前菜，同一個主食。起司培根蛋餅 ($32)，食台灣嘢通常都會叫蛋餅，今次都唔例外。咬一啖發現同平時嘅蛋餅有啲唔一樣，蛋好薄，而且餡料係夾青瓜絲😳😳😳！雖然我食青瓜，但係當佢出現喺蛋餅嘅時候，覺得唔夾😐士林鹽酥雞排配手工麵 ($72)，麵係粗麵，口感好彈牙。如果唔想食麵，可以轉滷肉飯。雞扒份量大份，可以分成4大件，無骨。不過一咬落去，温度係微暖🥲🥲更加唔洗講係咪脆皮🥲從來無食過唔熱嘅鹽酥雞🥲因為雞扒凍咗嘅關係，令到層炸粉好厚、好膩🥲。食嘅時候，要將全部炸粉拎走，仲要用碗熱湯浸暖啲🥲好失望⋯⋯甘梅地瓜條 ($26)，第一樣落單嘅食物係地瓜條，但反而最後先到。即叫即炸，所以係熱辣辣，成餐飯最好食嘅就係地瓜條。餐廳鋪面乾淨，即使後門都唔馬虎，通道寬敞乾爽。服務
平時都好少喺太安樓食飯，覺得附近啲環境唔係好乾淨，好多時都係買外賣。
經過呢間餐廳，望落去幾光鮮，鋪面睇落乾淨，決定入去試一次。
到達嘅時候大約7:00，舖頭人唔多，大約有3～4台客人，陸續入嚟嘅食客亦都唔多，但係見到職員不停喺舖頭來來回回，拎住啲外賣送去門口。餐廳主要做外賣單，會坐低食嘅客人唔多。
我哋叫咗兩個前菜，同一個主食。
起司培根蛋餅 ($32)，食台灣嘢通常都會叫蛋餅，今次都唔例外。
咬一啖發現同平時嘅蛋餅有啲唔一樣，蛋好薄，而且餡料係夾青瓜絲😳😳😳！雖然我食青瓜，但係當佢出現喺蛋餅嘅時候，覺得唔夾😐
士林鹽酥雞排配手工麵 ($72)，麵係粗麵，口感好彈牙。如果唔想食麵，可以轉滷肉飯。
雞扒份量大份，可以分成4大件，無骨。
不過一咬落去，温度係微暖🥲🥲更加唔洗講係咪脆皮🥲從來無食過唔熱嘅鹽酥雞🥲
因為雞扒凍咗嘅關係，令到層炸粉好厚、好膩🥲。食嘅時候，要將全部炸粉拎走，仲要用碗熱湯浸暖啲🥲好失望⋯⋯
甘梅地瓜條 ($26)，第一樣落單嘅食物係地瓜條，但反而最後先到。即叫即炸，所以係熱辣辣，成餐飯最好食嘅就係地瓜條。
餐廳鋪面乾淨，即使後門都唔馬虎，通道寬敞乾爽。服務好好，就算店鋪好忙準備大量外賣單，職員好有禮貌。當職員幫其他食客加湯落火鍋嘅時候，職員都會習慣用手擋一擋，以免熱湯彈到客人。但可惜店舖嘅食物較為失色😟
張貼
