輝香園

營業中

休息中

嚟到荔枝角做嘢，食晏嘅時候走左入去大南西街呢間《輝香園》幫襯。餐牌簡單清晰，一目了然。我揀咗特色飯類入面嘅涼瓜班腩飯($48)，飲凍咖啡(跟餐+$3)，一共$51。碟飯都幾快送上枱，大大碟，飯多餸亦多。涼瓜口感啱啱好，唔會太腍，掛到汁，都幾好食。都有幾多塊斑腩，斑腩應該有先走油，所以表面都幾香口，味道都唔錯。凍咖啡，都幾滑，不過就淡咗少少。今餐嘅主角涼瓜班腩飯都幾好味，份量亦足，雖然凍咖啡比較一般，不過整體感覺，仍然唔錯，下次經過呢頭，可以再嚟幫襯。