Okashi Galleria x Calbee Plus (已結業)

呢度我諗大大話話都起好咗超過半年喇，我今日先第一次黎，仲發現到呢一間我上一次喺沖繩發現嘅卡樂b專門店呢度都有，咁點都要去朝聖下嘅。嗌咗個避風塘味嘅薯片，隔住玻璃睇佢哋將薯片新鮮炸起，薯片經過輸送帶瓊油，再將瓊乾嘅薯片用風扇風乾，再續塊砌入個碗入面， 仲以為佢即炸即食會熱辣辣添，點知第一塊擺入口經已凍哂。個避風塘嘅味道有啲似媽咪麵包味粉，而個薯片厚得嚟又唔夠脆，無論味道脆度同埋口感，即炸即食都唔及一包包嗰啲好食，失敗。