致麗同心 (已結業)

今次嚟到油麻地致麗同心，試下佢啲椰菜花代飯。 佢標榜冇澱粉、冇糖分，還可以改用初榨冷壓橄欖油(加$10)。同埋原來佢哋成份menu都可以轉椰菜花代飯。今次嗌咗 泰式海南雞 配椰菜花代飯 ($53)，改用埋初榨冷壓橄欖油(加$10)， 配凍飲(加$2)。個椰菜花飯都堅似飯， 冇主觀感覺、咩都唔諗、合埋眼，食幾啖，都幾可亂真。佢入面有蝦、有蛋，我覺得係堅當炒飯咁黎呢炒， 係有驚喜嘅。 雞我今次食有啲硬， 聽番其他減肥朋友講咁佢地食嗰陣時唔係， 我諗淨係今次掛。地點就方便油麻地，但附近嘅環境同埋店內環境就麻麻和比較細和窄，咁睇你個目的想要啲咩啦。適合 低碳水化合物飲食超低碳水化合物飲食生酮飲食(再可以細分好多種嘅我唔寫咁多喇)總結: 都會再去試其他款式嘅